• Asesu ba sistema justisa formál

    Suporta feto no labarik hodi asesu ba sistema justisa formál Violénsia hasoru feto no labarik sai hanesan dezafiu ida ne’ebé boot liu ba direitu umanu iha Timor-Leste. Maizumenus persentajen 38 (38%) feto Timor hasoru ona violénsia fíziku, hahú husi sira sei iha tinan 15. Persentajen 34 (34%) feen mós esperiénsia ona violénsia fíziku husi nia kaben. […]

ALFeLa realiza treinamentu ba Konselhu do Suco iha Sucu Hera Postu Adminstrativu Cristo Rei Municipio Dili

ALFeLa realiza treinamentu ba Konselhu do Suco iha Sucu Hera Postu Adminstrativu Cristo Rei Municipio Dili

KOMUNIKADU IMPRENSA

22 Dezembru 2016

Asisténsia Legál ba Feto no Labarik ( ALFeLa ), Fasilita treinamentu iha suku Hera, Postu Administrativu Cristo Rei Municipio Dili. Treinamentu ne’e hanesan mós ho treinamentu sira seluk ne’ebe ALFeLa halao tiha ona ho topiku Enkuadramnetu Legal ba Kazu VD, VS,AS,no VBJ. Partisipantes sira ne’ebe hola fatin asume kargu nu’udár Xefe Suco,xefe aldeia, lia na’in, juventude feto mane no komunidade balun, ne’ebe kompostu husi feto na’in Ha’at (4) no mane na’in Sanulu resin ha’at (14)..

Aliende ne’e iha parte seluk xefe Suku Hera hatutan katak “ durante ne’e kazu violénsia doméstika iha suku Hera dala barak resolve familia no la lori ba sistema justisa formál, wainhira sira tuir tiha treinamentu ne’e sira iha ona koñesimentu konaba oinsá atu promove no minimiza aktus violénsia iha uma laran liu husi dalan refere kazu tuir dalan sistema justisa formál.

Iha parte seluk konselhu do Suco ato’o sira ninia rekomendasaun ba ALFeLa atu nafatin Treinamentu ba ami liu-liu Lei sira ne’ebe relasaun ho Violensia Domestica, nomos akompaña nafatin ami nia ema sira ne’ebe sai vitima hodi prosesu sira nia kazu tuir Lei Justica Formal.

Tuir ALFeLa nia observasaun haree katak aktividade treinamentu en jerál partisipante sira interesante tebes atu rona nomós proativu iha sesaun diskusaun nian.

Programa treinamentu ne’e realiza tanbá hetan suporta finanseiru husi IWDA – WAVE.

Atu hetan informasaun kle’an liu tan favor kontaktu direitamente:

Maria do R. F. Correia
Diretór Ezekutivu ALFeLa
Email, merita.correia@alfela.tl
Telefone: +670 331 0282 / 7724 4304.

ALFeLa Fasilita Treinamentu Legál ba Xefe Suku, Xefe Aldeia no Delegado/a eleitu sira, Iha Suku Vila Verde Dili

KOMUNIKADU IMPRENSA

21 Dezembru 2016

ALFeLa Fasilita Treinamentu Legál ba Xefe Suku, Xefe Aldeia no Delegado/a eleitu sira, Iha Suku Vila Verde Dili

Iha loron 21 fulan Dezembru 2016, ALFeLa (Assiténsia Legál ba Feto no Labarik), fasilita treinamentu ba lideransa suku ne’ebé mak foin eleitu iha Suku Vila Verde, Dili, hanesan xefe suku, xefe aldeia no delegada/o sira. Partisipante sira hamutuk ema 28, kompostu husi mane 16 no feto 12.

Treinamentu ne’e kona-bá prosedimentu kriminal ba kazu Violénsia Doméstika (VD), Violasaun Sexual (VS) no Abuzu Sexual ba Menór (AS), inklui poder paternal no alimentasaun ba menór iha sistema justisa formal iha Timor Leste. Objetivu husi treinamentu ne’e mak oinsa lideransa suku sira bele iha koñesimentu legál kona-bá natureza krime públiku diferente ho krime semi públiku hanesan krime VD, VS no AS iha prosesu sistema justisa formal. Atu nue’e, xefe suku sira labele arkiva kazu VD iha sira nia suku rasik. Maibé prosesa kazu refere ba iha Polisia ka Ministériu Públiku, hodi bele hetan desizaun iha tribunal.

Partisipante iha treinamentu refere aktivu teb-tebes hodi husu pergunta no halo diskusaun wainhira hare baze legal hanesan konstituisaun, Lei Kontra Violénsia Doméstika, Kódigu Penal, Kódigu Prosesu Penal, Konvensaun Direitu ba Labarik no CEDAW ne’ebé mak proteze direitu feto no labarik sira.

Wainhira ensera treinamentu, xefe suku Vila Verde, Abdul Mancoli Arranhado agradese reb-tebes ba ALFeLa no doador ne’ebé mak suporta orsamentu hodi realiza treinamentu refere, no xefe suku nia esperansa boot tebes ba ALFeLa atu nafatin fo formasaun ba membru konsellu suku ne’ebé mak sei matak tebes ba informasaun legál atu bele atende kazu violénsia doméstika tuir Lei Kontra Violénsia Doméstika haruka.

Tuir Diretóra ALFeLa, Dra. Maria do Rosário Fátima Correia iha eskritóriu ALFeLa haktuir katak : “Objetivu seluk husi treinamentu ne’e mak hare katak xefe suku no xefe aldeia sira ne’ebé mak foin eleitu ne’e presiza tebes kapasitasaun legál atu nune’e sira bele atende kazu violénsia bazeia ba jéneru ba iha sistema justisa formal, no bele sai mos parseiru diak ba ALFeLa atu refere kazu ba malu liu-liu kazu VD, VS no AS ne’ebé mak dala barak vitima feto no labarik ladun hetan protesaun diak husi lideransa suku rasik”.

Treinamentu ida ne’e realiza tanbá hetan suporta finansial husi doador IWDA.

Atu hetan informasaun klaru no klean bele kontaktu direitamente:

Maria do Rosario Fatima Correia
Diretóra executiva ALFeLa
Diresaun e-mail: merita.correia@alfela.tl
Telefone: 3310282 / 77244304 / 77348424

Enkontru Jeral Anual 2016, Lansa Relatóriu Anuál 2015 no Aniversáriu ALFeLa nian ba dala IV

Enkontru Jeral Anual 2016, Lansa Relatóriu Anuál 2015 no Aniversáriu ALFeLa nian ba dala IV

 Komunikasaun Imprensa

07 Setembru 2016

 Iha loron, 07 fulan Setembru 2016, ALFeLa ( Asisténsia Legál ba Feto no Labarik ) realiza Enkontru Jeral Anual ho objetivu bazeia ba Statutu ALFeLa nian hodi lansa Relatório Anuál no Rezultadu Auditoria ba Finansas husi tinan 2015 nian no komemora aniversáriu ALFeLa nian ba dala IV, inklui asina akordu ho parseiru sira hanesan RHTO, ADTL, no Klinika Bairo Pite.

Iha Tinan 2015 ALFeLa halo’o aktividade hanesan:

  • ALFeLa akompaña kliente foun hamutuk 451, maioria kazu dominante mak kazu violénsia doméstika abuzu seksual, Violasaun seksual.
  • Estabelese Unidade Sivíl ba kazu Paternidade, Divórsiu, Poder Paternal no Alimentasaun ba menór.
  • Susesu iha Parte Advokasia ba kazu komplikadu balun.

ALFeLa nian serbisu bazeia ba artigu 25 Lei Kontra Violénsia Doméstika no mos enkudramentu legal sira seluk ne’ebé mak proteze feto no labarik sira nian direitu.

“Serbisu hirak ne’e kontinua hafanu ami hodi haforsa di’ak liu tan Organizasaun ALFeLa nia ezisténsia no hasa’e koñesementu kona-bá ezizténsia no atividade ne’e rasik. ALFeLa mos agradese tebes ba komité Diretiva / Board ALFeLa nian ne’ebé iha komitmentu no dedika tempu hodi ajuda no tulun ALFeLa hodi buka solusaun ba dezafiu hirak ne’ebé durante iha tinan 2015 nian. ALFeLa mos hato’o ksolok boot liu husi kolaborasaun no kooperasaun diak durante ne’e ho MSS, PNTL/VPU, SEPASEM, MJ, KNDL, autór tribunal sira, Pradet, Uma Mahon sira, maluk defisiésia sira no Rede Referál hotu ne’ebé ho mehi hanesan atu garantia justisa ba feto no labarik sira”, Sempre Mai Husi Vítima nian lian” dehan Merita Correira, Diretora Ezekutiva ALFeLa.

ALFeLa mós kontinua haluan rede servisu hodi asina akordu ho parseiru foun hanesan RHTO, ADTL no Klinika Bairo Pite ho objetivu atu haforsa no hametin ALFeLa nia serbisu ho parseiru sira hodi ajuda feto no labarik sira, inklui feto no labarik defisiésia sira ne’ebé mak sofre husi violénsia bazeia ba jéneru hanesan violasaun sexual, asédiu sexual, violénsia doméstika, tráfiku humanu, homisídiu ka kualker violénsia hasoru sira atu asesu ba sistema justisa formal.

ALFeLa hato’o agradese wa’in ba konfiansa hirak ne’ebé mak doaderes sira atribui hela mai ALFeLa hodi nafatin servisu to’o ohin loron hanesan Governu Australia liu husi TAF-Programa Nabilan, UNFPA, Hivos, IWDA no UNICEF inklui Unidade Direitus Humanus UN.

Atu hetan informasaun kle’an liu tan halo favor kontaktu:Maria do Rosário Fátima Correia / Merita

Diretora Ezekutiva ALFeLa
No. Telf. Edifisiu : (+670) 3310282
No. Mob: (+670) 7724 4304
E-mail: merita.correia@alfela.tl

 

 

ALFeLa realiza treinamentu ba Konselhu do Suco iha Sucu Hera Postu Adminstrativu Cristo Rei Municipio Dili

ALFeLa realiza treinamentu ba Konselhu do Suco iha Sucu Hera Postu Adminstrativu Cristo Rei Municipio Dili KOMUNIKADU IMPRENSA 22 Dezembru 2016 Asisténsia Legál ba Feto no Labarik ( ALFeLa ), Fasilita treinamentu iha suku Hera, Postu Administrativu Cristo Rei Municipio Dili. Treinamentu ne’e hanesan mós ho treinamentu sira seluk ne’ebe ALFeLa halao tiha ona ho […]

Learn More

ALFeLa Fasilita Treinamentu Legál ba Xefe Suku, Xefe Aldeia no Delegado/a eleitu sira, Iha Suku Vila Verde Dili

KOMUNIKADU IMPRENSA 21 Dezembru 2016 ALFeLa Fasilita Treinamentu Legál ba Xefe Suku, Xefe Aldeia no Delegado/a eleitu sira, Iha Suku Vila Verde Dili Iha loron 21 fulan Dezembru 2016, ALFeLa (Assiténsia Legál ba Feto no Labarik), fasilita treinamentu ba lideransa suku ne’ebé mak foin eleitu iha Suku Vila Verde, Dili, hanesan xefe suku, xefe aldeia […]

Learn More